Albisteak
Atzealdea

"Oporretan euskaraz" eta "GazteZulo udan" aldaketekin, baina badatoz

Ibarrako Udala herriko haur eta nerabeei udan euskarazko aisialdia eskaintzeko saiakera berezia egiten ari da

2020·06·12


Covid-19agatik sortutako osasun larrialdi egoera honen barruan, asko dira bertan behera utzi behar izan diren ekimenak. Baina Ibarrako Udala, oporretan euskaraz egitasmoak herriko familientzat duen garrantziaz jabe da eta saiakera berezi bat egiteko ahaleginetan ari gara, gure esku dagoena eginez aurrera atera dadin. Beharrezko irizpideak jarraituz, talde txikiagoetan eta epe laburragoan izan beharko du aurtengo udako aisialdi eskaintzak, baina zerbitzua eman gabe ez genuke nahi geratu behintzat. Berdina gertatzen da GazteZulo zerbitzuarekin ere.

Aurtengo proposamena azaldu  aurretik, ordea, Eusko Jaurlaritzak ateratzekoa duen dekretuaren ondorioz aldaketak egon daitezkeela adierazi behar dugu. Baina antolakuntza lanek denbora eskatzen digutenez, lanean hask gara.

 

Oporretan euskaraz 2020

Zerbitzua 2 urtetik 10 urte arteko haurrei dago zuzenduta, HH2tik LH4ra. 3, 4 eta 5 urteko haurrek egungo egoeran maskarillarik ez dutenez erabiltzen, hauen egoerari soluzio eman nahi ari gara. Momentuz izena eman dezatela eskatzen diegu, eta aurrerago aztertuko da egoera.

Aurtengoan, bi hamabostalditan banatuko da, beraz, ez da izango orain artean bezala hilabeteko iraupenekoa. Bi aldi izango dira, beraz: lehena, uztailaren 1etik 14ra eta bigarrena, uztailaren 15etik 29ra. Haur bakoitzak, printzipioz, hamabostaldi bakarrean hartuko du parte.

Bi aldietan, 50 haurrentzat egongo da lekua, eta haurrak 5eko taldeetan antolatuko dira, eta 5eko talde bakoitzak begirale bat izango du. Haur bakoitzak egunero bi maskarilla eraman beharko ditu. Eskuen garbiketa egingo da eta segurtasun tartea errespetatzen duten jolasak egingo dituzte.

Bizitzen ari garen errealitatea ikusita, oporrak euskaraz zerbitzuan behar gehien dutenei emango zaie lehentasuna. Hala, egoera zaulgarrian dauden haurrek eta zaintza eta lanaren kontziliazioan arazoak dituzten familietako haurrek izango dute lehentasuna. Ondoren, gainerako haurren artean zozketa egingo da 50 haurreko kopurua iritsi arte. 

Hamabostaldi batean lekurik izan ez duenak, beste hamabostaldiko taldean lekurik geratzen den ikusi arte itxaron beharko dute plaza edukitzeko.

Prozedura desberdin bat da aurtengoa eta matrikulatzeko garaian ere desberdin egingo da. Lehenik eta behin, aurrematrikulazioa egin beharko da, zenbaterainoko eskaera dagoen jakitun izateko antolakuntza taldea. Hau, ekainaren 15, 16 eta 17 egunen barruan egin beharko da. Bi aukera hauen bidez:

- Formulario hau betez: FORMULARIOA

- Udaletxera bertaratuta, 11:00-13:00 eta 16:00-18:00 ordutegian.

Behin aurrematrikula egin ondoren, ekainaren 19tik 22ra familiekin hartu-emanetan jarriko gara. 23an zozketa burutuko da eta azkenik, 24 eta 25ean matrikulazioa egingo dute zerbitzuan lekua duten familiek. 

Azkenik, ekainaren 29 eta 30ean harremanetan jarriko dira antolakuntzatik, uztailaren 1ean haurrek nora agertu behar duten adierazteko. Izan ere, herriko toki desberdinetan elkartuko dira 5 haurreko taldeak euren begiraleekin, gainerako haurrekin kontakturik ez izateko. 

 

GazteZulo udan

Osasun Egoerak ahalbidetzen duen neurrian, uztailean zehar LH5 eta DBH4 ikasmaila bitarteko gaztetxo eta nerabeei zuzentzen zaien udako zerbitzu berezia eskaintzea da Ibarrako Udalaren asmoa. 
 
 
Ekintzak kurtsoka eta taldeka banatuko dira: 
LH 5 
LH 6 
DBH1 
DBH 2 
DBH 3 
DBH 4
 
Ekintzak goiz pasa edo arratsalde pasa bezala antolatuko dira.
 
Talde txikietan egingo da lan. Goizero eta arratsaldero, 2 talde egongo dira aldi berean ekintza bera egiten, espazio desberdinetan:
10 nerabe + hezitzaile 1
Taldeak finkoak izango dira, beti gazte eta hezitzaile berdinak taldeko
Segurtasun neurri guztiak bermatuko dira.
 
Udako programazioa egongo da eta izena emanez gero ekintza guztietan parte hartzeko konpromisoa hartzen da. 
Talde bakoitzak astean 2 ekintza egingo ditu hasiera batean. Beti ere, izen-emate kopuruaren arabera.
Iraupena (orientatiboa, beti ere Osasun Egoeraren baitan): Ekainak 29-Uztailak 24
 
 
Oharra: Taula honek aldaketak izan ditzake, izen-emate kopuruaren arabera.
 
Izena ematea: EKAINAK 16-18

Deskargatu matrikulazio orria hemen

On- line eta presentzialki egiteko aukera egongo da. Beti ere, online egitea lehenesten da. Deskargatu aurreko loturatik matrikulazio orria, bete guztia eta bidali emailez gaztezulo@ibarra.eus-era.
 
Izena emanez gero, udako ekintza guztietan parte hartzeko konpromisoa hartzen dute.
COVID-19 pandemia dela eta, Gazte Zulo zerbitzuan ezarri diren segurtasun eta osasun protokolo eta jarraibideen informazioa eskuratuko zaie gurasoei/tutore legalei. Haiek informazioa jaso izanaren agiria eta protokoloa betetzeko konpromiso idatzia sinatzea matrikula egikaritzeko ezinbesteko baldintza izango da. 
 
Taldeak osatzea: EKAINAK 19
Zozketa bidez egingo dira taldeak. Irizpideak:
Taldeak kurtsoka eratuko dira
Sexu oreka bermatzen saiatuko gara
Beti talde berean parte hartu beharko da
Kurtso bereko taldeetan aldaketak onartuko dira. Idatziz egin beharko da eta beti sexu bereko nerabeen artean. Aldaketak proposatzeko epea: EKAINAK 22.
Taldeen osaketaren zozketa egiteko, izena eman duen haur-nerabe bakoitzarekin harremanetan jarriko gara, zozketarako bere zenbakia zein den jakinarazteko.
Zozketa telematikoki egingo da, online plataforma baten bitartez; zuzenean ikusteko aukera edukita.
 
GURASO/TUTORE LEGALEKIN BILERA: EKAINAK 25-26
Izena ematen dutenen guraso edo tutore legalekin zerbitzuaren funtzionamenduaren eta protokoloen inguruko jarraibide eta argibideak azaltzeko bilera telematikoa egingo da (taldearen erreferentziazko hezitzaileak bilera deialdia egingo du).
Bileran parte-hartzea ezinbestekoa da.
 
Zerbitzuaren ezaugarriak eta funtzionamendurako protokoloen oinarrizko gida