Noticias
Atrás

Kultur-agenda osatzeko proposamenak bidaltzeko aukera

Apirilaren 15a bitarte, herritarrek kultura ekimen proposamenak bidal ditzakete.

31·03·2021


Urte-amaierara arteko kultur-agenda osatuko du Udalak, eta proposamenak bidaltzeko aukera dute herriko norbanakoek zein eragileek. Dagoeneko, bidal daitezke proposamenak eta epea zabalik egongo da apirilaren 15era arte. Egitaraua osatzeko ideiak helarazteko mezua bidali behar da kultura@ibarra.eus helbidera edo kultur etxera joan behar da.

Joan den astean mahai-inguru irekia egin zuen Udalak herriko hainbat eragile zein norbanakorekin, eta bertan hartu zen erabakia. Dinamikaren helburua herriko jaien eta ekintzen inguruko hausnarketa irekia egitea zen, eta ondorioztatu dute aurten ere ez dela herriko ohiko festarik izango Ibarran.

Horren partez, ordea, urte amaierara-arteko kultur-agenda osatzea adostu zuten. Proposamenak jasotzeko epea amaitu ondoren, berriro bilduko dira eta erabakiko dute zein ekintza antolatuko dituzten festa egunetan, eta zein ekintzekin osatuko duten agenda orokorra.