Ibarran, zure etxebizitza zure etorkizuna
Ibarran, zure etxebizitza zure etorkizuna
Ibarrarentzat oso garrantzitsua da bertako herritarrak herrian bertan bizitzen geratzea eta martxan jarri den egitasmo hau, herriko etxebizitza proiektua egiten hasteko lehenengo pausoa izango da. Beheran topatuko duzuen galdetegi honen bidez, herritarrek dituzten etxebizitza beharren inguruko diagnostiko bat egin nahi du Ibarrako Udalak, ondoren herritarren behar eta nahi horiei erantzun proposamen bat egiteko.
Egitasmo honen baitan, Ibarran dagoen etxebizitza beharra ezagutu nahi da, zein eskari dagoen eta herrian geratu nahi duten horiek zer nolako etxe bizitzak behar dituzten ezagutu nahi dugu, euren nahiak ezagutuz. Alokairuan edo erosiz nahi duten, zer nolako aukera ekonomikoak dauden jakin eta baita etxeen tamainaren inguruko informazioak eskuratzeko erabiliko da galdetegia.
Etxe bizitzetan interesatuta daudenen beharrak ezagutzeaz gain, herrian eraikitze lanak egin daitezkeen leku desberdinen gaineko iritzi edo lehentasunak zein diren ere ezagutu nahi da galdetegi honekin. Hala, galdetegian herriko mapari begiratuta, kokaleku posible desberdinak proposatzen zaizkie herritarrei, euren aukeraketak egiteko.
Kontakturako edo informazio gehiago eskuratzeko: inkestaibarra@gmail.com edo 650504669 zenbakian.
Zure beharren berri izan nahi dugu. Bete jarraian galdetegia!