2025·12·18
Ibarrako Udaleko Ingurumen departamentuak udalerriko amiantoaren inbentarioa egin du. Inbentario horretan, amiantoa duten herriko eraikinen errolda bat jasotzen da, oraindik ere amiantoa duten instalazioetan material hori pixkanaka kentzeko.
Azterlanaren ondorioz, mapa zehatz bat egin da, identifikatutako eta geoerreferentziatutako 79 puntu (1 publikoa eta 78 pribatuak) erregistratzen dituena, puntu bakoitzerako banakako fitxa batekin. Erabilitako metodologiak hainbat etapa eta informazio-iturri hartzen ditu, ikusizko ikuskaritzetatik airetiko argazkiak erabiltzeraino.
2028ra begirako kokaleku publikoan amiantoa kentzeko egutegia ezarri du udalak, apirilaren 8ko 7/2022 legeak, Hondakinak eta Lurzoru Kutsatuak arautu eta Ekonomia Zirkularra bultzatzeari buruzkoak, hamalaugarren xedapen gehigarrian jasotzen duenari jarraikiz. Aldi berean, eraikin pribatuen jabeei jakinarazi zaie komeni dela material hori kentzea, nahiz eraikin pribatuetan ez den derrigorrezkoa kentzea.
Ikuskapenaren emaitza txostena ikusteko, joan web orriko UDALAREN SAILAK > Ingurumena, Nekazaritza eta Merkataritza orriko HONDAKINAK atalera edo egin klik ondorengo estekan: https://www.ibarra.eus/eu/ingurumena-nekazaritza-eta-merkataritza#tabs-2