Noticias

Atrás

Tolosana inguruko egokitze lanengatik, oinezkoen desbideraketa

Urri amaiera arte iraungo dute lanek eta beraz oinezkoen desbideratzeak ere bai

06·07·2017


Tolosako Udalak Tolosana inguruan egin beharra dituen egokitze lan batzuen ondorioz, Ibarrako herritarrak Tolosara joateko erabiltzen dituzten bideetan aldaketak izango dituzte

Datorren astean hastekoak dituzten asfaltoa goratzeko eta hiritartze lanak direla medio, Ibarra eta Tolosa batzen dituen errepidean lanean ariko direnez, uztailaren 12tik aurrera, oinezkoentzat ibilbide hori moztuta egongo da eta beraz, Zumardira doan zubitik joan beharko dute.

Bestetik, obrak egingo diren lekuan kokatuta dagoen autobus geltokia ere lekuz aldatuko da. Lanek, urri amaiera arte iraungo dutela aurreikusten dute eta beraz, oinezkoen desbideratzea ere, ordura arte izango da.

Oinezkoentzat itxita egongo bada ere, ibilgailuentzat irekita egongo da errepidea. Fase desberdinak izango ditu egokitze lanak, baina beti egongo da egokituta ibilgailuen erabilerarako.